تبلیغات
کریتیک - مطالب ابر شێعر

 

 

 

 

 

 

 

 

 

 

کریتیک

ساختن ناخودآگاه‌های انقلابی!

چهارشنبه 27 اردیبهشت 1396

مرۆڤیش شتێکی ئەوها نیە

نویسنده: دیاکو   طبقه بندی: همه و هیچ، 

مانگ گەرچی سارد و سڕە
بەڵام ، هەمووشەو دێتە دی
پیاو هەموو ئەو شتەیە کە دەبێ تێک بشکێت
مرۆڤیش شتێکی ئەوها نیە

جوورە بەیانیەک هاتووە هەڵم دەستێنێت لە خەو
 هەموو شتێکم لەبیرە و
بەڵام، نە شلێژاوم نە قووڕوەسەر
تەنیا جارجار بڕیسکەیەک لە ناو زگماو دێتە بەرەو سەرێ
کە دەگاتە ناو سینگم 
هیندێک رادەوەستێ و ئینجار دەتۆقێتەوە

ئاخڕین جار کە رۆیشت پەی کوتم
تازە من نابمە ئەو کەسە کە تۆ ناسیت
منیش سەرێکم لاقاند و سەرێکم بەرداوە
و کوتی راستت دەوێ ؟
تو چیت کە خۆشم بوێ؟
جا خۆ راستە، ترسی منیش هەر ئەوەیە
جاخۆ من چیم ؟
هەموو ناخۆشی مرۆڤ بوون، هەر ئەوەیەو
دەستەوئەژنۆ بوون عیلاجی نیە
بوون عیلاجی نیە
"ببین بە" عیلاجی نیە
عیلاجیش بوونی نیە

جا دەمکووت
پیاو هەموو ئەو شتەیە کە دەبێ تێک بشکێت
مرۆڤیش شتێکی ئەوها نیە
هەست نەکەین دونیا لەبەر ئێمە راوەستاوە و
هەست مەکەن دونیا ماوە
ئێمە تەنیا ژمارەیەکی تۆری کۆمەڵایەتی و وشەنهێنین
نە جەستەیەو نە رووحی تیاماوەو
نە گڕی تێ بەر دەبێ و
نە ئەو کات کە شێتمان دەکات
ئاوێکی ساردمان دەداتێ

بە ڕای ئێوە چی دەقەومێت ئەو کات
کە ماسی چیتر ئاوی ناوێت
پشیلەکان زبڵیان ناوێ و 
سەگەکانیش ناقوولێنن
چی دەقەومێت
کە باران هۆی ستڵ و جەمەو
نەک ڕازاوەندنەوی جێ ژوان
کە ڕەشەبا هێزی نابێ و
تاڤگە خۆی ئیشک دەکات و 
هەرچی رەنگە خۆ دەکووژێت؟

سەبارەت بەوە با بڵێم بەداخەوە
هۆشمان زۆرەو
زانیاری کەم ناهێنین
زۆر ناخۆشە بزانیت تۆ بۆچی بە کار نایەیت و 
ئەوەی دیکەش بزانێت خۆشی هەر بە کار نایەت و 
کۆمەڵگاکانیش بزانن
نەک لە ژوور و نەک لە دەر
هیچی چاکیان باس ناکەن

ئێمە ئەوەمان نیە
گەرانەوەی ئەبەدی
مانگ گەرچی سارد و سڕە
بەڵام ، هەمووشەو دێتە دی


چهارشنبه 2 دی 1394

من و مەحوی

نویسنده: دیاکو   طبقه بندی: همه و هیچ، 

دێڕ زەمانە ، چاوم لەسەر کتێبێکە

لە سەر عەرز ڕاکشاوم،

مەحویش لە ناو کتێبەکەی.

هەردووکیشمان هەر وەڕەزین

نە من تاقەتم تیدایە،

نە مەحویش بەرگی لادەدات.

وەک منداڵان هەردووک لاسار،

وەک ژنانیش تۆراو و

وەکوو پیاوان هەردووک دۆڕاو.

هەرچی ڵاپەڕەی تێپەڕی،

هیچم وەبەر چاو ناکەوێ

وشە بە وشەی شێعرەکان،

خۆ دەشارنەوە و ناپەیدان

هەرچی شێعری چاکی هەیە،

دایشارێت و نایە بەر چاو.

لە تیپی "میم" دا سەیر دەکەم

کەچی ئەو «بەرقم تێدەگرێ»

لەپڕرا هاتەوە هۆشم

تامێک ببوو فەرامۆشم

یەکێک لە ناخی جەستەما

هەلفڕی بۆ ناو دیوانی

«غەمی خۆشی نیە مەحوی،

 لە دڵیا، هەر غەمی تۆیە»

ئەواهای کوت موحەممەد لە دەقی خۆیا لە تیپی "تێ".

لەپڕرا دیوان هەلبەزی،

بوومەلەرزەی جا دابەزی

دێوێکی قاقەزین دەهات،

لە قووڵایی مێژووی وڵات

مەحوی فرڕەی لێ دەهات

بایەکی وەهای لێ سازکرد

لە وشە وشەی شێعرەکان

مەحوی بە جەستەی قاقەزین

خۆی لە پێش و وشەی بەدوان

مەحوی لە قووڵایی میژوو

دیلی کردبوون وشەکان

دیواری مێژوو هەلقڕچا

مەحوی هاتە کاتی ئێستا

من و مەحوی و راپەڕین

دەربازبوون لە بەدبەختین

هەردووکیشمان هەر پێکەنین

مەحوی ئارام داگەڕا

بە هێمنی لە لام دانیشت

من پرسیارم لەی نەبوو

هەر دەمهەویست شێعرو جەستەی

لە کاتێکدا یەکتر بگرن

وشە و خوێن و قاقەز و پێست

لە مەحویدا سەد ڕەنگن

مەحوی یەک نیە و هەزارە

«لە سایەی عیشقەوە [بووە] شەهی ساحیب سەراپەردە»

پێش ئەوەی ماڵاوایی بکا

دەستی لە ناو ریشی وەردا

ویستی ورتەی لێ بێ و بڵێت

دەستم گرت و ئەواهام کوت

کە دیوانت هەزارانی وەکوو تۆیە

هەزارانی لە ناو جەستەم،

 پیاسەی تێدا کردووە،

وتی با لێت نەشێوێنم «کە من مشتێ چڵ و چێوم، بەچی بم، کەڵکی کێ دەگرم.»

ئێستاش هەمان زەمانە

ئەمنیش هەر وا ڕاکشاوم

بزەیەک لەسەر لێوانم

بزەیەکیش لەسەر وێنەی ، مەحوی لەسەر دیوانەکەی.


جمعه 24 مهر 1394

نامۆ

نویسنده: دیاکو   طبقه بندی: همه و هیچ، 

له‌ شه‌قامێکی شاردا

که‌ شاره‌که‌ش به‌ئه‌ستۆی خۆی ناگرێت و

جگه‌ له‌ سه‌گه‌ به‌ڕه‌ڵایان،

که‌سی تێدا ناوه‌رتێت و

پیاوێک نامۆ

له‌ ئامێزێکی نامۆدا

ڕێک به‌رامبه‌ر به‌ دونیادا

ڕاوه‌ستاوه‌و سه‌ر هه‌ڵ دێنێت

هه‌زار هه‌زار دڕووژم ئه‌دات

به‌ڵام نه‌ که‌س ته‌یدا ڕاماو

نه‌ عه‌ڕز قڕچه‌ی لێ هات و

نه‌ ئاسمان گڕمه‌ی لێ دێ.

وه‌ها دونیا محیتێکه‌* له‌ نامۆیان

که‌ نامۆیان هه‌موورۆژێ سازی ده‌که‌ن

به‌بێ ئه‌وه‌ی به‌یه‌ک بڵێن که‌ چی ده‌که‌ن

سەرقاڵین و ئینجار نامۆ

له‌ شه‌قامان خاڵه‌ رێبوار به‌ دوای یه‌ک دا

رێ ده‌گۆرن

خاڵه‌ نامۆو رێگا نامۆ

فیشه‌ک فیشه‌ک له‌ دیواران،

ڕاگه‌یاندن ده‌شته‌ ناو چاو

ده‌شته‌ ناو گوێ

ده‌ بیکڕن له‌ گه‌وادان

كاڵاو کووتاڵ

ده‌ پێپکه‌نن بۆ ده‌سه‌ڵات،

ئافه‌ریم بلێن بۆ جاشان

ده‌ مڵتان بشکێنن بۆ ژیان،

له‌ رێزی رێفراندۆمی سه‌رۆک کۆمار

با گوێتان نه‌ده‌ن له‌ بیزمار.

ئاخ خه‌ساڕ و ئاخ چه‌ند خه‌ساڕ

ئه‌و گه‌نجانه‌ی وه‌ها رۆیشتن به‌ دۆلێدا

ده‌ پێم بلێن

کوان ئه‌وانه‌ی وه‌ها له‌ دڵی میلله‌تا ده‌ژین ؟

له‌ تێلێگرام یان له‌ بازار ؟

یان له‌ شه‌قامی سه‌گبابان به‌ مۆنیکاو تویوتایان ؟

نامۆم نامۆ ، له‌ ژیان له‌ خۆم

ده‌چمه‌وه‌ ناو شه‌قامه‌که‌

ده‌بمه‌وه‌ پیاوه‌ نامۆکه‌

ئامێزه‌که‌ توندتر ده‌گرم

به‌ ده‌نگێکی به‌رزتر ده‌لێم

هاوار ده‌که‌م:

له‌ ده‌ست مه‌ده‌ن ژیانتان ، ده‌ست و لاقتان

مه‌بن به‌ ده‌ستی جاشان

به‌ چاو و گوێ و لاقیان

ببن به‌ ژین ، ببن به‌ ژیان

که‌ مردیشن ببن به‌ زه‌هریماریان

که‌ چێ دیسان نامۆم ، نامۆن

لێک حاڵی نین

حاڵی نابین...

 

*اقیانوس 



ره‌سم له‌ ئانتۆنێن ئارتۆ

شنبه 24 مرداد 1394

من تاکوو کوێ ئه‌منم؟

نویسنده: دیاکو   طبقه بندی: همه و هیچ، 

من تاکوو کوێ ئه‌منم

من له‌ مه‌هاباد ئه‌منم و له‌وێ که‌ ده‌چم بۆ لای خوار ده‌بم به‌ من

من ساڵیانی زووم و

ئه‌من ساڵیانی ئێستام

من ئه‌منم

ئائا هینه‌، وانێکه‌کانم وه‌بیره‌و هه‌روا دێته‌وه‌ بیرم

ئه‌وه‌ڵ جار که‌ ئه‌من خۆشیم دیت،

ئه‌وکاته‌ بوو ده‌ستم نابوو له‌ ناو خۆم

حه‌ح سه‌یره‌ که‌ ده‌ست له‌ خۆنان ،له‌ ئه‌سباب نان و نان و نان 

حه‌ح سه‌یره‌...

ئه‌من ده‌بم به‌ ئه‌وه‌ی دی!

ده‌بم به‌ کچه‌که‌ی جیرانمان

 ئه‌گه‌ خۆیان پێوه‌ده‌نا منداڵ 

ده‌بم به‌ پیره‌پیاوێکه‌ی حیزی کۆڵان ،

 ده‌ست له‌ ئه‌من وه‌رده‌ده‌م.

ئائا شتهایه‌کم هاته‌وه‌ بیر

هه‌م بۆ من و هه‌م ئه‌وه‌ی دیش

ئه‌وه‌ی هینده‌ی ئاره‌ق خواردو

ئاره‌قی وه‌پێش چاو که‌وت و

 هینده‌ ڕه‌شاوه‌و 

ئه‌منی بوو به‌ سه‌له‌فی

ئه‌وه‌ی هینده‌یان خۆپێوه‌نا 

به‌ نه‌عله‌تی کرد کوردو بوو به‌ عه‌جه‌م

ئه‌وه‌ی هیندیان گاو بوو به‌ مانگایه‌کی بێ شیر

ئه‌وه‌ی له‌سه‌ر ماتۆر مرد و هه‌موو ڕۆژێ،

 بۆی ده‌گڕی دایکی به‌ کاتی نان خواردن  و

ده‌لێ :

تۆ بلێی ده‌ستاوی فریشته‌کانی خودای پێ خۆش بێ ؟

ئائا دێته‌وه‌ بیرم ئه‌گه‌ پاسدار ده‌یانکوشتم

ئه‌گه‌ خوێنیان ده‌ڕشتم

پیاوه‌ پیره‌که‌ی ناو شه‌ری ناوخۆم

 که‌ به‌یانی زوو به‌ ده‌ست نوێژه‌وه‌ ده‌چووم به‌ره‌و مزگه‌وتی سوور

که‌چی گوڵه‌یه‌کی دمۆکرات خواز قوونێی گام و

گوڵه‌یه‌کی سووری عیدئاله‌تیش قه‌ڵبی هه‌ڵکۆیم

به‌لام باش بوو به‌ گوڵه‌ی پاسدار نه‌تۆپیم.

من ژنه‌ بێوه‌ژنه‌که‌م که‌ ده‌ ساڵه‌ له‌به‌ر منداڵه‌کانم

له‌گه‌ڵ هیچ پیاوێک نه‌خه‌وتووم و

جگه‌ له‌ چاو ترووکاندنی پیاوه‌ سه‌بزی فرووشه‌که‌ هیچم لێ نه‌قه‌وماوه‌.

من ئه‌منم،

کوردێکی زاپاتیست له‌ خه‌یابانه‌کانی تاران!

به‌ ده‌ هه‌زار تمه‌ن له‌ گیرفانم دا عه‌رد ده‌پێوم و

هه‌زار تمه‌ن ده‌ده‌م به‌ نووشابه‌یه‌ک و

به‌ ده‌ستێک نووشابه‌که‌ ده‌گڕم و 

 ده‌سته‌که‌ی دیکه‌شم ده‌خه‌مه ‌پشتم و

دوای هه‌ر قومێک

چاو له‌ نووشابه‌که‌ ده‌که‌م بزانم چه‌ندی تێیاماوه‌.

ئه‌وه‌ی دیکه‌ ئه‌منه‌!

ئه‌وکات که‌ به‌ تورکی ده‌لێ بژی کوردستان

ئه‌وکات که‌ منداله‌ ده‌وله‌مه‌نده‌ به‌لام له‌ قوونێی چوه‌

ئه‌وکات که‌ کچێکی به‌ ته‌نیامه‌ له‌ کۆڵانێکی تاریک و

ئه‌من ده‌ستی بۆ ده‌به‌م.

نانا ئه‌وهاش نیه‌ کاکی خۆم،

من هه‌میشه‌ش ئاوا نه‌بووم

من نوێژکه‌ر بووم

من بێ خودا بووم

تۆبه‌کار بوومه و

پیاویان له‌سه‌ر گرتوم

من شاگرد ئه‌وه‌ل و ئاخری قوتابخانه‌کان بووم

من هه‌مووم

هه‌مووش ئه‌منه‌و

من دووم، سێم چوارم پێنجم شه‌شم حه‌وتم هه‌شت نو ده‌

یانزده‌ وه‌ره‌ به‌سه‌ر من دا بازده‌

رۆژ ئه‌منه‌

تیشکی رۆژم

خۆم کوێر ده‌که‌م،

تا ئه‌وه‌ی دیکه‌ نه‌بینم

ده‌سووتێم و ده‌تسووتێنم

خۆڵه‌مێشه‌که‌م ده‌بووژێته‌وه‌و

ده‌بمه‌وه‌ خۆم

وا ژیله‌مۆم، ژیله‌مۆ ، هه‌لده‌ستمه‌وه‌

هێزم هێز ده‌چمه‌وه‌ ناو له‌شما‌و

دێمه‌ ناو له‌شتا‌و

وه‌ک مچڕۆک به‌ گیانت دا ده‌رۆم

ده‌ بمبیننه‌وه‌!

من له‌ هیچ شوێنێک نیم نا

له‌ ژووری ژوور دام

ده‌ره‌وه‌م نه‌ماوه‌و نادیارم

من هه‌ستان له‌ خه‌وی ئێوارانم و

به‌ شه‌و نانووم

ئه‌ویش نانی به‌یانان زوو

که‌ نایخۆم و فره‌ی ده‌ده‌م

به‌ شه‌و به‌لام

به‌ شه‌و گوێ له‌ مۆسیقار ده‌گرم

به‌ شه‌و عاشقی خۆم ده‌بم و

به‌ شه‌و ڕه‌قم له‌ ئه‌وه‌ی دییه‌ و‌

 به‌لام ئه‌من ئه‌وه‌ی دیکه‌م

ئه‌وه‌ی دیکه‌ له‌ ناخم داو

ئه‌من هه‌ر ئی ئه‌و ساته‌م و

ساتی دیکه‌ ئه‌وه‌ی دیم

ساتی ساتان داپێم بڵێ

من تاکوو کوێ،

 ئه‌وه‌ی دیم؟


آمار سایت

  • کل بازدید :
  • بازدید امروز :
  • بازدید این ماه :
  • تعداد نویسندگان :
  • تعداد کل پست ها :
  • آخرین بروز رسانی :